巴黎机场中伏个案:机场巴士坏车错过班机

唔少人都在圣诞趁机去了一个长途旅行,有网友就分享自己经历,于圣诞节抢咗请3放9的靓假,打算去法国鬆一鬆,结果回程喺法国巴黎戴高乐机场中大伏,唔单止上唔到飞机,更加要畀成超过1万蚊先买到机位返香港!

图:新传媒资料库、Zenobeebee à Paris、相关机构

巴黎戴高乐机场 难行过迷宫!

法国巴黎明戴高乐机场(Aéroport Paris-Charles-de-Gaulle)喺好多旅客心目中,都有极坏印象,「迷宫般的通道」更加係最令人头痛不已的问题!这个被GoEuro旅游网评为「欧洲最差10大机场」的第6位,更是CNN 11年选出的「全球最令人讨厌10大国际机场」的第1位!

巴黎机场中伏个案:机场巴士坏车错过班机
睇睇戴高乐机场的平面图,认真複杂!

有唔少网友都分享自己的惨痛经历,事前对巴黎戴高乐机场冇做足功课的话,就好易中招!

巴黎机场中伏个案:机场巴士坏车错过班机 巴黎机场中伏个案:机场巴士坏车错过班机

 

错过班机 损失过万蚊

事主一行人于12月31日,乘搭中午的东方航空班机回港,本身已提早约3小时到达机场,但最后就因为巴黎戴高乐机场巴士的故障、安排不当而错失班机,最后现场买机票而花费了过万蚊!其间经历了法国职员的冷漠、法国机场的麻烦、极差安排等等,劲多中伏位!

巴黎机场中伏个案:机场巴士坏车错过班机
戴高乐机场,分分钟难行过迷宫!
中伏位1:T1去T2要个几钟!

由于第一次喺戴高乐机场搭飞机返香港,同时又耳闻法国机场职员动作特别慢,事主强调已特别早约3小时去到机场,以免miss 班机。搭的士到达机场第一航厦之后,发现原来柜枱设于第二航厦,心谂都只係一段小距离,肯定够时间啦!

巴黎机场中伏个案:机场巴士坏车错过班机
未去法国之前,好多人以为T1同T2 就係香港机场步行可到的距离,其实完全唔係!

戴高乐机场有免费的巴士及机场接驳车,可以穿梭不同航厦,但要由T1 去 T2,并唔係一个站就到,职员当时解释地面巴士唔会直接去到T2,要先搭穿梭巴士去到T3,再转铁路电车CDGVAL先可以去T2。

巴黎机场中伏个案:机场巴士坏车错过班机
去返T2,都要先转一次车!

事主根据指示去乘搭机场的免费电车CDGVAL,结果等足几乎半个钟都未开,过咗好耐有乘客发现,车外的显示牌上写了因为故障而停驶的消息,于是大家马上冲出去。但期间车厢完全冇广播,亦冇职员提大家,成班法国人同其他旅客,完全喺度呆等!

巴黎机场中伏个案:机场巴士坏车错过班机
有免费接驳车以为冇有怕,点知坏车都唔通知!

离开CDGVAL上返地面,其间搵唔到任何指示可以去边度搭咩车去到T2,只能跟着其他旅客行,穿梭巴士应该係临时调过嚟载客,因此一等就係半个钟,事主仲话身边好多乘客已经Miss咗班机,佢哋一行人都如坐针毡,劲紧张!

巴黎机场中伏个案:机场巴士坏车错过班机
等车的人劲多,重点是巴士隔好耐先到!

等咗半个钟终于有车,但并唔係由T3直接去T1,而係要由T3去Parking,返T1,再去Parking,最后先转到去T2,虽然路面一直好畅通,但法国司机依然係优雅而又缓慢地行驶,开足半个钟!结果只係由T1过返去T2,事主已经用足1个半钟时间!

巴黎机场中伏个案:机场巴士坏车错过班机
行车路线显示,由T1去T2,要经过好多个站!
中伏位2:机场的士劏客!

经历完CDGVAL的坏车之后,事主在T3外的马路见到有的士,心动打算搭的士会快啲,结果的士司机开天杀价,短短的几分钟距离开 EUR35,几乎是HK$350!事主唔想被劏到一颈血,亦都唔想益个司机,所以拣咗等漫长的免费巴士,但无谂过结果拖足佢哋咁耐。

巴黎机场中伏个案:机场巴士坏车错过班机
由T1至T2 的短短距离,结果被开天价。
中伏位3:第2航厦指示差 七分为2A-2G!

去到第2航厦仲有漫长的路要行,因为T2 里共分7个区A-G,由2A-2G每个相距起码10分钟,而且机场内的指示非常不清晰,如果行错方向,行番转头都要成10-20分钟,事主搵咗好耐路先成功去到2E的check in柜位!

巴黎机场中伏个案:机场巴士坏车错过班机
去到T2都唔好太开心,因为有好多个counters,相距又超远。
中伏位4:机场与航空公司零协调

去到柜枱,事主已经错过咗check-in的90分钟时限,错过了回港的班机,佢哋因为机场巴士坏车及安排失当而导致误点,机场却完全没有跟航空公司协调,或作其他安排。但机场对此故障完全不加以理会,亦没有任何解释,更没有与航空公司作任何协调!巴黎机场中伏个案:机场巴士坏车错过班机

法国机场对自己的故障完全不加理会,更没有与航空公司协调!

中伏位5:法国职员懒得协助

事主立即向航空公司的法籍职员寻求协助,并解释是机场的接驳巴士故障所致,但职员只是以「No. You are too late. It’s not our fault.」为由,拒绝协助,当追问能否补钱买下一班机的机票时,职员更直接要她去柜枱即场买张新机票回港。不少朋友都试过在香港、日本、台湾错过班机时,可补钱买下一班,相比之下,法国职员态度非常冷漠又不helpful。而事主因为任职教师,一定要準时回到香港,情急下只能现场买机票。

巴黎机场中伏个案:机场巴士坏车错过班机
相比之下,法国机场职员态度比较冷漠。
中伏位6:现场买机票 索价1万

去到指定的柜位询问机票详情时,职员表示最平的机票都要1万,由于要赶着回香港上班,事主情急下硬食贵价1万蚊!不过,如果大家遇到同样情况,记得先唔好咁慌张,可以上各大航空公司check下机位,事主捱完贵机票之后,上国泰睇再有HK$5,000机票,好肉赤!

巴黎机场中伏个案:机场巴士坏车错过班机
T2 可以直接买到机票,但注意係Air France 贵航空,唔想买咁贵,最好自己上网格价!
中伏位7:保险竟然唔包!

出发之前有买保险的网友即问保险公司有冇得赔,结果发现所买的保险只会因罢工、劫机、恐怖袭击、天灾先有得赔,更加心痛。保险公司强调,如果係车辆故障,都一定要延误足8个钟,先开始有得赔,就算有机场信证明都冇用!不过坊间每间保险公司的準则都唔同,建议大家遇到故障、停驶等,立即攞咗官方确认信先,话唔定都有得claim。大家买保险之前,都记得要问清楚有咩包、有咩唔包呀!

巴黎机场中伏个案:机场巴士坏车错过班机
买保险之前,一定要睇清楚包咩唔包咩!
5招教你 对付麻烦机场

唔想好像事主咁中晒伏又损失金钱,编辑部访问了旅居巴黎多年的博客Zenobeebee à Paris的意见,以及旅游记者的心得,整理以下应对戴高乐机场的实用小贴士。

巴黎机场中伏个案:机场巴士坏车错过班机
想顺利上机,就记得做足準备!
Tip 1. 点对点pick up 服务

有时候要预时间去机场,又要搵转车路线,又要推重重的行李,不如预多少少budget拣点对点pick up 服务。旅居法国多年的博客Zenobeebee à Paris,推荐 Viator 的Shared shuttle,大约一人EUR18-27,虽然有机会同其他乘客同坐,但胜在司机準时,态度又好,就唔使提心吊胆!

巴黎机场中伏个案:机场巴士坏车错过班机
去机场想节省时间,可以拣点对点的pick up服务。
Tip 2. 一定要提前online check-in

好多旅人出发之前都会做online check-in,但去到回程玩得太开心,就懒到唔记得要提早check-in!其实回程先係做online check-in的最关键时间,因为好容易买多咗买爆喼,check-in要排,搞行李又要时间。如果已经提早做好online check-in,就可以排机器攞登机证,行李都可以自助託运,节省好多时间。

巴黎机场中伏个案:机场巴士坏车错过班机
如果有做online check-in ,到现场可以自动託运行李,条队快好多。
Tip 3. Check定航厦最重要

正如上述所言,3个航厦之间不是步行可以到达的距离,去错咗分分钟要一个钟以上先去到!唔想重複犯错,出发前上航空公司check定办理登机位置就最好,较多飞往香港、上海的航空公司,都是T2登机,大家可以注意一下。另一个情况就係转机,都要事前确认自己去边个航厦,有好多时候转机时间得1个几钟,上一班机delay,而下班机唔会因此延迟起飞,时间紧凑,一定要做好準备!

巴黎机场中伏个案:机场巴士坏车错过班机
转机时间紧凑,更要check 清楚路线!
Tip 4. 尽早出门为好

经常来往法国的Zenobeebee à Paris,每次都起码早两个小时去到机场,她强调法国安检慢起上来可以非常慢,欧洲人除衫攞嘢更加係超慢动作,bag drop 队伍往往都是超长,地勤手脚又好慢,有时又会突然封了安检口,状况百出,千万唔好以香港的速度为基準!如果是第一次迎战戴高乐机场,早3小时就比较稳阵。加上机场内有很多名牌,可以用免税价买到,办理完登机,去逛逛也是不错的选择!

巴黎机场中伏个案:机场巴士坏车错过班机
尽早check 完in,就可以去行行名牌店!
Tip 5. 退税要做足準备

Zenobeebee à Paris强调,想退税的话,更加要提早出发,因为要畀海关盖印,而好多时就算排咗百几人,都可能只开两三个柜枱,随便一排都要一个钟以上,有唔少网友都分享,早4个钟去到都只係时间刚刚好,一啲都唔鬆动,绝对要小心!

巴黎机场中伏个案:机场巴士坏车错过班机
就算可以自助,都经常出现坏机情况!
延伸阅读:智能行李箧 禁止上机|Rimowa电子标籤随时中伏!国泰、快运、捷星回应

巴黎机场中伏个案:机场巴士坏车错过班机延伸阅读:BNO+特区护照 | 港人热论!应否持两本护照出入境?

巴黎机场中伏个案:机场巴士坏车错过班机

延伸阅读:港人持BNO「中招」!现金不足2万 泰铢入境 险遭拒

巴黎机场中伏个案:机场巴士坏车错过班机